انضمي الآن الى مجتمع ايڤا واحصلي على خصم 5% انضمي الآن
29 يوليو، 20220

اختيارك الصحيح لواقي الشمس المناسب لك

 

أهلاً أهلاً بكل الايڤات في مجلسنا المتواضع، اليوم عندي لكم موضوع جديد

وهالمرة موضوعنا تخصصي وعميق شوي وهو عن واقي الشمس والفروقات بينها وكيف تختارينه وأيش أفضل واقي شمس، وممكن بعد نعرّف بعض الرموز اللي نشوفها وما نعرف أيش المقصود فيها!!

وبكذا كل الايڤات يتنقون واقي الشمس المناسب لهم ولبشراتهم ودرجات الحماية اللي يبغونها بعد!

أول شي لازم نعرفه وهو أن واقي الشمس مو شي نستخدمه في فصل الصيف بس؟ هذا المفهوم لازم نشيله من بالنا للأبد، طوال السنة لازم نستخدم واقي الشمس ولو تعمقنا شوي في الموضوع وعرفنا أهميته راح تعرفون أن الفكرة هي محافظة على نضارة بشرتك وحمايتها من بعض التجاعيد المستقبلية والأمراض الجلدية والحروق اللي ممكن تجينا من الشمس؛ خصوصاً المناطق الجبلية هم من أكثر المناطق اللي يتعرضون لهذي المشكلة بحكم أن مناطقة تعتبر قريبة من الشمس بشكل أكبر من غيرها، فالمفروض حرصهم يكون مضاعف من غيرهم على جمال بشراتهم وعنايتهم فيها.

 

طيب خلونا نعرف أول شي أيش يعني SPF ؟وأيش معناه!

هو اختصار لجملة ( Sun Protection Factor ) ، يعني عامل الحماية من الشمس، أوكي عرفنا هذي المعلومة يا ايڤا بس أيش المفروض تعني؟، ترجمتها هي كالتالي: كم نسبة حماية بشرتك من أشعة الشمس في هذا الواقي اللي بتختارينه!

طبعاً عندك خيارات كثيرة فيه واللي هي SPF 15, SPF 30, SPF50, SPF100

كل ما كان الرقم عالي كانت نسبة الحماية من الشمس أفضل، وينصح الأطباء دائماً أن ما تكون النسبة أقل من 30 نترجمها أكثر؟ ونشرح نسبة حماية كل واحد فيهم؟

SPF 15 = 93%  حماية من أشعة الشمس

SPF 30 = 97% حماية من أشعة الشمس

SPF 50 = 98% حماية من أشعة الشمس

SPF 100 = 99% حماية من أشعة الشمس

طيب يا ايڤا بما أننا الآن في موسم صيف ونحتاج نسبح ونسوي تان بأمان أيش طبيعة واقي الشمس اللي نختاره؟ وكل كم نحتاج نجدده؟

أولاً: لازم تختارين واقي الشمس المناسب لبشرتك؛ يعني لو كانت بشرتك

بشرة جافة، هنا راح تحتاجين تتوفر هذي العناصر أو المكونات في واقي الشمس اللي بتشترينه وهي ( جلسرين أو حمض الهيالورونيك أسيد أو سيراميد) عشان تحققين أفضل نتيجة حماية ممكنة لبشرتك!

بشرة دهنية أو مختلطة، دائماً دائماً دائماً احرصي يكون نوع واقي الشمس المستخدم هو النوع الكيميائي لأنه يكون أكثر جفاف من الفيزيائي وخفيف على بشرتك وما يكون ثقيل على المسام ويزيد من الإفرازات الدهنية فيها؟

بشرة حساسة، غالباَ هم أصحاب البشرات اللي يعانون من الوردية أو الأكزيما أو الحساسية بشتى أنواعها مثل العطور وبالنسبة لأصحاب هذي البشرة مهم جداُ أنهم يحرصون على وجود العناصر هذي أو واحد منهم على الأقل في واقي الشمس ( ثاني أكيد التيتانيوم أو الزنك أو مصدر فيتامين ب مثل حمض الهيالوروونيك أو فيتامين ج )

 

ثانياً: لازم تنتبهين لعامل الوقت جداً جداً جداً؛ بمعنى أنك تجددين واقي الشمس اللي أنتِ حاطته كل 40 إلى 80 دقيقة كحد أقصى.

ثالثاً: وهو أنك تحاولين تاخذين واقي شمس ضد الماء ولكن هذا ما يعني أنك تكنسلين موضوع تجديد واقي الشمس كل 40 إلى 80 دقيقة لأن بعد هذي المدة خلاص يروح مفعول واقي الشمس من السباحة أو حتى التعرق!

 

بنختم مجلسنا بأخر معلومة تخص واقي الشمس وهي الفرق بين واقي الشمس الكيميائي والفيزيائي؛ بالمناسبة هذي المعلومة تحديداً تعلمتها من د.محمد الشايع وهذا حسابه بتويتر @drmalshaya إذا حبيتوا زيادة معلومات لجمال بشراتكم وحمايتها وكيف تتعاملون معاها.

نرجع لتوضيح الفرق بين الكيميائي والفيزيائي اللي ذكره د.محمد بكل اختصار:

الكيميائي:

– يحول أشعة الشمس لمصدر حرارة ويسهل على الجلد تشرّبه!

– تقدرين تستخدمين معاه منتجات الميك آب اللي بخاطرك لأنه خفيف على البشرة ولا يطلّع طبقة لون بيضاء!

الفيزيائي:

– يكوّن طبقة عازلة، وهذا الشي يساعد على عكس أشعة الشمس عن البشرة.

– سميك بس ما تقدرين تستخدمين فوقه أي نوع من أنواع الميك آب؛ لأن مظهرك ونظافة الميك آب ما تبكون بالشكل اللي تطمحين تطلعين فيه.

– طبقة بيضاء على البشرة

وهنا وصلنا لختام مجلسنا لشهر جولاي ولا تنسون تشاركون كل المهتمين في معرفة تفاصيل اختيار واقي الشمس المناسب لهم وأكيد ما يحتاج نقول لكم تحمسوا لتدوينتنا الجديدة في مجلس الايڤات التدويني لشهر أغسطس!

ولا تنسين تحطين ضمن أهدافك لهذا الشهر تعيشين  معانا تجربة اكتشاف منتجات العناية والمكياج!

كل اللي عليك تسوينه تجاوبين على اختبار الجمال، وبنجهز لك صندوقك الخاص فيك!