كل شي عن ايـڤـا
ايڤا EVE
تعالوا نعرفكم علينا و فكرتنا,و حنا مين،بس قبل كل شي بنشرح لكم معنى اسمنا،ايڤا هو نطق اسم حواء باللاتينية حواء هي زوجة آدم -عليه السلام- أول امرأة على وجه الأرض. فقررنا نختاره لان حواء أصلنا كلنا وبدايتنا وأُم البشر.
مين حنا؟
مجتمع ايڤا عبارة عن مجلس نتبادل فيه, أفكار و معلومات و سوالف, و توصيات المنتجات و آخر الهبات في عالم المكياج و العناية، بإختصار مجلسنا مجلسٍ ما فيه نفسٍ ثقيلة نرحب فيه بكل الإيڤات.
وش نقدم؟
كل شهر بنخليك تكتشفين منتجات جديدة في عالم الجمال و العناية,و كل شي يبدأ باختبار الجمال،اختبار سريع ما يبيله مذاكرة، فيه اسئلة عن:
-نوع ولون بشرتك.
-درجات الالوان اللي تفضلينها.
-اي منتجات من المكياج و العناية تحبين نركز عليها أكثر.
و غيرهم من الأسئلة…بناءً على اجوبتك راح نخصص لك صندوقك, اللي فيه 5-6 منتجات عناية و مكياج توصلك شهرياً, من شركات مختلفة،مو بس كذا! حتى طريقة استخدام كل منتج بتوصلك،شدي حيلك في الأجوبة عشان نفهمك.
وش أستفيد؟
-مجتمع ايڤا:
نقدر نشرحه و نوصفه بأنه عالمنا, اللي نشارك فيه معكم كل جديد. ايش طايحين فيه؟،أفكار، اقتراحات، مواضيع تهمك، معلومات وتثقيف.
تخيلونا مجلس كبييييير و تدور فيه سوالف, و معلومات (مو من الكيس) و خصومات حصرية بس للإيڤات،بندلعكم وبنقول بكم “هه”.
-هديتك لنفسك:
لأنك تستحقين الدلع و المفاجأة كل شهر. قد صارت لك هالحالة: شفتي منتج مكسر الدنيا في كل مكان, و الكل يمدحه و دايم “سولد اوت”؟ أجدد “الهبّات” بنجيبها لك، لأننا حريصين ومطّلعين على كل جديد، و الفريق عندنا لعبتهم الحصريّات!
-وفري فلوسك:
كم مرة دخلتي صيدلية أو محل مكياج و طلعتي “و ميزانيتك مهزوزة”؟ أو “طلعتي بقرض” عاد انتي و ضميرك. بعض المنتجات احجامها تكون (حجم السفر) وبعضها بالحجم الكبير. حجم السفر: هو اللي يكون أكبر من التيستر بشوي، اللي يقولون أحجام منتجاتكم تيستر (خليكم على جنب شوي) المنتجات اللي بحجم السفر تستخدمينها من 5-6 مرات
مميزات الحجم:
-مُفيد الحجم بالتنقل معك في كل مكان +حتى لو شنطتك صغيرة
-اذا اعجبك المنتج و ناسبك تقدرين تشترين الحجم الكبير, و انتي واثقة بأنك راح تستخدمينه لأنك جربتيه. و لان مو دايم المنتج اللي عليه مدح بيناسبك، كم مرة هبوا الناس في شي و اكتشفتي انه ما يسوى؟
ودك توصلك أجدد منتجات العناية و المكياج؟ وتعيشين تجربة اكتشاف المنتجات؟.
جاوبي على اختبار الجمال و راح نبدأ نخصص لك صندوقك.
اعجبك المقال؟ شاركيه مع اللي يهمها الموضوع بالضغط على الايقونة اللي على اليسار.