روتين المساء للعناية بالجمال والنفسية الحلوة ! – ايڤا | EVE
لاستخدام أبل باي الرجاء استخدام متصفح سفاري
16 سبتمبر، 20220

روتين المساء للعناية بالجمال والنفسية الحلوة !

 

دايم نسمع جمل كثيرة من أهالينا مثل… ” من زان نومه زان يومه!”، كنت اربط هذي الجملة تحديداً بحياتي العملية البحتة ولا مرة فكرت في جوانب ثانية ابداً . الفترة الأخيرة مع زيادة اهتمامي بنفسي وبشرتي وكيف اخليها دائماً في افضل صحة بدون ما الجأ للإجراءات التجميلية المحفزة. قررت اشوف وين أساس المشكلة! وليش تمر عليّ فترات افقد فيها  صحة وحيوية بشرتي!

 

بعد فترة من التجارب والبحث المستمر، أول مشكلة عرفت أن لها تأثير عميق على صحة البشرة هي (قلة النوم)

عامل مهم جداً جداً جداً، نخسر صحتنا بسبب قلة النوم وإهمال هذا العنصر الحساس يدخلنا في دوامة ما نقدر نطلع منها بسهولة، بسببه نشوف هالات الباندا اللي مستحيل تقدرين تحلينها بسهولة لو تسوين كل الإجراءات التجميلية عشان تتخلصين منها، فقدان لمعة البشرة! متخيلين ان قلة النوم واحد من الأسباب!

 

طيب لو قلت لكم المشكلة الثانية هي ( الصحة النفسية  واستقرارها ) ما راح تنصدمون من هذي المعلومة لأن اعتقد أن الكل عارف أهميتها ولكن بالنسبة لي ما توقعت تأثيرها بينعكس على البشرة لهذي الدرجة! … متخيلين أن وحدة من أسباب ظهور بعض التهيجات في البشرة هو صحتك النفسية!، جسمك قاعد يعبّر عن كمية القلق أو التوتر اللي تعيشينه من خلال بعض أشكال التهيجات الي تطلع بوجهك أو جسمك وتستخدمين لها أدوية وعلاجات كثير ممكن تساعد في تخفيفها أو اختفائها فترة بسيطة وترجع مثل أول وأكثر!

 

السؤال الذهبي في تدوينتنا هذي هو التالي….!

كيف احافظ على لمعة بشرتي وصحتي النفسية تحديداً مع ضغوطات العمل اللي  تواجهني بشكل يومي؟

 

جوابي لكل الإيڤات بيكون عبارة عن خطوات بسيطة من خلال تجربتي الشخصية ساعدتني كثير في تحسين جودة حياتي اليومية بشكل كامل مو بس بشرتي!

خلوني اشارككم إياها في 6 خطوات فقط!

1- حددي وقت معيّن يكون هذا الوقت هو وقت الاستعداد للنوم والراحة بعد يوم طويل مليان عمل وإنجاز

2- أول ما تجي الساعة 9 مساء على سبيل المثال، خلاص هنا لازم تتخذي قرار الاستعداد والابتعاد عن كل الأشياء اللي بيدك ،لأنك دخلتي في وقتك الخاص ولازم تتفرغي له وتستعدين للراحة.

3- تجهيز حمام دافي للروقان والاستراخاء

4- منتجات عنايتك ببشرتك اليومية في فترة المساء تكون قريبة منك عشان تستبعدين فكرة انها بعيدة وعادي تسوين سكيب لهذي الخطوة

5- البسي سماعاتك واسمعي موسيقى هادية، وابدأ دللي نفسك وفرغي راسك من كل المشتتات والضغوطات اللي واجهتك خلال اليوم

6- بعد 30 دقيقة من الاستماع لموسيقى هادي واستخدام منتجات العناية، انتِ الآن جاهزة تماماً للنوم بهدوء وصحة نفسية ممتازة.

 

 

بعد ما شاركتكم خلطتي السرية اليومية الي بدأت فيها من 6 شهور عشان احافظ على جمال بشتري وروقاني ونفسيتي الحلوة، خلوني الآن اشارككم بعض المنتجات اللي انصح فيها وكانت هذي المنتجات هي المتوفرة في بوكسات الجمال في  ايڤا للشهور اللي فاتت!

        سيرم CA Pore Minimizing Serum     يساعدك على تحسين مظهر بشرتك وتقليل توسع المسام في البشرة، طبعاً دور هذا السيرم هو يحفز بشرتك دايم في توازن افرازات الزيوت الصحية ، بالمناسبة هذا السيرم جداً جداً مناسب للي بشرتها دهنية أو مختلطة

        سيرم CA Sensitive Moisturising Serum Milk   يساعدك على زيادة ترطيب وتغذية البشرة لان وبكل اختصار يحتوي على الرز، أكثر مكون سحري في منتجات العناية بالبشرة، هذا السيرم مناسب للبشرات المختلطة والعادية .

        قناع ترطيب الأقدام من ميدهيل!، مستتتتتحيل مافيه ولا وحدة منكم قد جربتهم عشان تحافظ على مظهر أقدامها الناعمة دائماً!

        فيس ماسك بالأفوكادو، رهيب رهيب رهيييب، لأنه مليان فيتامينات ومعادن ممتازة لصحة البشرة ولمعانها

        سكرب ملح البحر من ديسيرت اسينس، هذا السكرب دايم يُفضل استخدامه مرة في الأسبوع أو الأسبوعين لأنه مو عادي ابداً ونتائجه تبان من أول استخدام!، انصح دائماً يكون استخدامه كل سبت تستعدين لأسبوع عملي منعش ومختلف!

غسول الجسم من افين، يعطيك شعور مختلف ومميز ومنعش في كل مرة تاخذين شاور دافي نهاية اليوم .

 

ختام تدوينتنا هذي المرة بتكون نصيحة لكل الإيڤات !، نفسك ثم نفسك ثم نفسك، اهتمي بجمال بشرتك واعتني فيها ووزاني بين جميع احتياجاتك. ودللي نفسك واشتركي ببوكس  ايڤا الشهري مع خصم اليوم الوطني

 

ودك توصلك أجدد منتجات العناية و المكياج؟ وتعيشين تجربة اكتشاف المنتجات؟

جاوبي على اختبار الجمال و راح نبدأ نخصص لك صندوقك.

 

اعجبك المقال؟ شاركيه مع اللي يهمها الموضوع بالضغط على الايقونة اللي على اليسار.

 

مشاركة