طرق عناية وتنظيف فرش المكياج – ايڤا | EVE
لاستخدام أبل باي الرجاء استخدام متصفح سفاري
25 سبتمبر، 20220

طرق عناية وتنظيف فرش المكياج

أهلاً فيكم بتدوينة ايڤا الجديدة، من خلال هذي التدوينات الشهرية نتشارك المعلومات ونتبادل المنفعة عشان نكون دائماً مجتمع ترندي يعرف أحدث الأشياء في المكياج ، ومهتمين بجمالنا وعنايتنا الروتينية والمنتجات اللي تناسب جميع أنواع البشرات.

هذي المرة راح نبحر في مجال المكياج أكثر، تحديداً فرش المكياج بداية من أنواعها وختاماً بطرق تنظيفها والعناية فيها بشكل أفضل!.

خلونا نبدأ من البداية وهو الشيء اللي كلنا نعرفه أن فرش المكياج تنقسم لنوعين من حيث الشعر المستخدم فيها: شعر طبيعي ، وشعر صناعي.

        الشعر الطبيعي: ينصح دائماً نشتري الفرش اللي يكون شعرها طبيعي ونخصصها للمنتجات البودرة

        الشعر الصناعي: ينصح دائماً نشتري الفرش اللي يكون شعرها صناعي ونخصصها للمنتجات الكريمية والسائلة بشكل عام.

 
قبل ما ننتقل للسؤال الذهبي في مدونة ايڤا ، خلونا نعرف أكثر عن المشاكل اللي ممكن تجينا من سوء العناية والنظافة بفرش المكياج، طبعاً القائمة تطول وما نقدر نحصرها لأنها تختلف من شخص لأخر لكن؛ المتعارف عليه والدارج جداً جداً جداً في عدم الاهتمام بنظافة فرش المكياج بشكل مستمر وعدم وجود  روتين محدد لها، و راح يتسبب لي هذا الشيء في ظهور حبوب وتهيجات في البشرة وأيضاً بيسبب لي انسداد في المسام. وهذا الشيء مو سهل جداً علاجه لأنك بتضطرين تدخلين في دوامه العلاجات وتصحيح المشاكل وتنقلات بين الأطباء وحلها بسيط جداً.

وهو سؤالنا الذهبي هذي المرة!

كل كم لازم انظف فرش المكياج حقتي؟

 تعتمد بشكل كبير على مرات استخدامك لها؛ ولكن المتعارف عليه من قبل المختصين دائماً يحرصون على أن تنظيف الفرش يكون روتين اسبوعي مثل أي شي تهتمين على نظافته وغسيله بشكل اسبوعي ومستمر.

لكن هل احنا هنا نقصد فرش المكياج فقط؟ في أنها لازم تتنظف ويكون لها روتين عناية؟

طبعاً الجواب لا، أي شي يلامس البشرة ضروري جداً يدخل ضمن الأشياء اللي تحتاج عناية وحرص وتنظيف لأن البشرة من الأشياء الحساسة جداً واللي تتأثر بالعوامل الخارجية مثل فرش المكياج واسفنجة بيوتي بلندر وعوامل آخرى تكلمنا عنها في التدوينة السابقة مثل الصحة النفسية وسلامتها.
نرجع شوي ونركز في المنتجات الأخرى اللي تحتاج عناية مثل البيوتي بليندر كيف طريقة العناية فيها؟، تختلف عنايتنا بنظافة اسفنجة بيوتي بليندر بحكم تعرضها المستمر للماء والرطوبة وهذا شيء يخليها أرض خصبة للبكتريا وتجمعها عليها؛ لذلك، لازم بعد كل استخدام تغسلينها جيداً بالماء والصابون وتخلينها تجف على منشفة جافة ونظيفة.

ثاني أهم نقطة لازم نتعلمها من هذي التدوينة

كيف انظف فرش المكياج ؟ وايش الأدوات اللي احتاجها للتنظيف؟

تنظيف فرش المكياج من ابسط الأشياء اللي ممكن يسوونها الإيڤات ، لأنه وبكل بساطة جميع احتياجاته متوفرة غالباً في كل بيت!

مع التقنيات الجديدة صار فيه أجهزة تسهل لكم حياتكم وخلال ثواني بسيطة فرشتك تكون نظيفة وجافة وجاهزة ترجع لمكانها في الدولاب .

لكن خلونا نشوف ونتعرف على طرق التنظيف البعيدة عن التقنيات الحديثة في حال ما كان الجهاز متوفر عند الإيڤات !

الطريقة الأولى هو تنظيف الفرش عن طريق استخدامك لهذا القفاز، والهدف منه يسهل لك عملية دخول الماء والصابون بشكل افضل لشعر الفرشة .

الطريقة الثانية هي الطريقة التقليدية اللي كلنا متعودين عليها من قبل وهي فرك الفرشة على راحة كفك بعد تبليلها بالماء الدافئ واضافة الصابون اللي تحبينه عليها لين يصفى معاك لون الماء وتشوفين الفرشة صارت نظيفة خالية من جميع منتجات المكياج اللي عليها ورجع لونها وشكلها نفس أول ما شريتيها.
بعدها راح تخليها بمكان تهويته جيدة وعلى منشفة جافة ونظيفة وتنتظرينها عدة ساعات لين تجف تماماً من الماء وتقدرين ترجعين تستخدمينها من جديد.

أخر نقطة بنتكلم عنها في هذي التدوينة هي؛ هل لفرش المكياج عمر افتراضي وبعدها لازم اشتري فرش جديدة؟
الجواب هو لا ما فيه عمر محدد لأنها تعتمد على مرات استخدامك وطريقة عنايتك وحفاظك عليها وايضاً جودتها وطبيعة الشعر صناعي أو طبيعي، بالعادة تدومل فرش المكياج لسنوات لا تقل عن 3 سنوات غالباً .
لكن فيه مؤشرات تدل على أن فرشتك خلاص انتهى عمرها وصار وقت تغييرها:
المؤشر الأول: شعرها متأكل أو بالعامية ( متنتف ورايح فيها)
المؤشر الثاني: تحسين بخشونتها ما صارت ناعمة على بشرتك مثل أول .
المؤشر الثالث: شكلها متغيّر ولون شعرها صار باهت.
إذا وحدة المؤشرات هذي موجودة على فرشة من فرشك صار ضروري التغيير لفرشة مكياج جديدة وتحيلين القديمة للتقاعد خلاص…

وهنا احنا وصلنا لختام تدوينتنا ..
ودك توصلك أجدد منتجات العناية و المكياج؟ وتعيشين تجربة اكتشاف المنتجات؟
جاوبي على اختبار الجمال  وراح نبدأ نخصص لك صندوقك.
اعجبك المقال؟ شاركيه مع اللي يهمها الموضوع بالضغط
على الايقونة اللي على اليسار.